ເຈົ້າແຂວງສະຫວັນນະເຂດເນັ້ນ: ການປ່ຽນແປງໂສມໜ້າໃໝ່ທີ່ມີລັກສະນະບຸກທະລຸ
ພາຍຫຼັງທີ່ທ່ານ ບຸນໂຈມ ອຸ ບົນປະເສີດ ໄດ້ຮັບແຕ່ງຕັ້ງເປັນ ເຈົ້າແຂວງສະຫວັນນະເຂດ ຄົນ ໃໝ່ ຈຶ່ງໄດ້ຈັດພິທີພົບປະໂອ້ລົມ ບັນດາພະນັກງານຫຼັກແຫ່ງພາຍ ໃນແຂວງສະຫວັນນະເຂດ ໃນ ຕອນ ເຊົ້າຂອງວັນທີ 6 ມີນາ 2023 ນີ້, ຢູ່ທີ່ສະໂມສອນຂອງຫ້ອງວ່າ ການປົກຄອງແຂວງ ໂດຍມີບັນດາ ພະນັກງານຈາກກົມກອງ, ພະ ແນກການອ້ອມຂ້າງແຂວງ, ອົງ ການທຽບເທົ່າ, ກໍາລັງ ປກສ-ປກຊ 14 ເມືອງ, 1 ນະຄອນ ແລະ ແຂກ ທີ່ຖືກເຊີນເຂົ້າຮ່ວມ
ໂອກາດໂອ້ລົມໃນຄັ້ງນີ້, ທ່ານ ບຸນໂຈມ ອຸບົນປະເສີດ ກໍ່ໄດ້ ກ່າວຍ້ອງຍໍຊົມເຊີຍບັນດາຜົນ ງານຕ່າງໆທີ່ພະນັກງານຫຼັກ ແຫຼ່ງພາຍໃນແຂວງປະຕິບັດໄດ້ ໃນໄລຍະຜ່ານມາສາມາດຕີລາ ຄາສູງຕໍ່ຄວາມພະຍາຍາມ, ຄວາມສູ້ຊົນຂອງພະນັກງານ ຫຼັກແຫຼ່ງທີ່ໄດ້ບຸກບືນ, ສູ້ຊົນພ້ອມ ກັນຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມຕິດພັນ ກັບບັນດາວຽກງານຂອງຂະ ແໜງການຕົນເຖິງແມ່ນວ່າ ສະພາບເສດຖະກິດ-ການເງິນ ພາຍໃນປະເທດມີຄວາມຫຍຸ້ງ ຍາກບວກໃສ່ການແຜ່ລະບາດ ຂອງພະຍາດໂຄວິດ-19. ແຕ່ ເຖິງຢ່າງໃດກໍ່ຕາມແຂວງພວກ ເຮົາກໍ່ຍັງຮັກສາໄດ້ຈັງຫວະການ ຂະຫຍາຍຕົວທາງດ້ານເສດຖະ ກິດໄປຕາມກອບທີ່ກຳນົດໄວ້ ໃນແຜນການ, ພື້ນຖານໂຄງລ່າງ ໄດ້ຮັບການພັດທະນາ ແລະຄຸ ນະພາບຊີວິດຂອງປະຊາຊົນບັນ ດາເຜົ່າໄດ້ຮັບການສືບຕໍ່ປັບປຸງ ໃຫ້ດີຂຶ້ນເປັນກ້າວໆ, ລາຍຮັບງົບ ປະມານມີທ່າອ່ຽງເພີ່ມຂຶ້ນ, ການ ຜະລິດເປັນສິນຄ້າ, ການລົງທຶນ ເອກະຊົນພາຍໃນ ແລະຕ່າງປະ ເທດກໍເພີ່ມຂຶ້ນກວ່າປີຜ່ານມາ. ຄຽງຄູ່ໄປກັບຜົນສໍາເລັດທີ່ຍາດ ມາໄດ້ນັ້ນ, ພວກເຮົາກໍ່ຍັງມີຫຼາຍ ດ້ານທີ່ຕ້ອງໄດ້ເອົາໃຈໃສ່ແກ້ໄຂ ຕື່ມອີກເປັນຕົ້ນແມ່ນການປ່ຽນ ແປງໂສມໜ້າໃໝ່ທີ່ມີລັກສະນະ ບຸກທະລຸ ຢູ່ຊົນນະບົດເຂດພູດອຍ ຊົນເຜົ່າຍັງປ່ຽນແປງຊ້າຫຼາຍ, ການດໍາລົງຊີວິດແບບເກົ່າຄອງ ເດີມທີ່ຫຼ້າຫຼັງຍັງຕິດພັນກັບປະຊາ ຊົນຢູ່ບໍ່ໜ້ອຍ, ປະຊາຊົນຈໍານວນ ຫຼາຍພໍສົມຄວນຍັງບໍ່ມີໂອກາດ ເຂົ້າເຖິງແຫຼ່ງທຶນ; ສະຕິຕື່ນຕົວ ເປັນເຈົ້າການຂອງປະຊາຊົນຈໍາ ນວນໜຶ່ງຕໍ່ວຽກງານປ້ອງກັນ ຊາດ-ປ້ອງກັນຄວາມສະຫງົບຍັງ ບໍ່ທັນສູງ, ການຈັດສັນອາຊີບແຕ່ ລະພູມລໍາເນົາຍັງມີບາງສ່ວນ ຕ້ອງໄດ້ປັບປຸງ ຕິດພັນກັບການ ແກ້ໄຂບັນຫາລັກລອບຊັບພະຍາ ກອນປ່າໄມ້, ປ້ອງກັນສະພາບ ແວດລ້ອມຍັງແກ້ໄຂບໍ່ທັນຕົກ; ມີຄວາມພະຍາຍາມສ້າງຖານ ລາຍຮັບ ແຕ່ຍັງເຫັນວ່າບໍ່ທັນໄດ້ ກວ້າງຂວາງໜັກແໜ້ນ, ການຈັດ ເກັບລາຍຮັບຍັງມີຊ່ອງຫວ່າງ, ເກີດໜີ້ສິນຄຸມເຄືອ; ການຄຸ້ມຄອງ ການນໍາໃຊ້ລະບົບບັນຊີຂອງຫົວ ໜ່ວຍທຸລະກິດພາຍໃນແຂວງ ຍັງບໍ່ທັນໄດ້ປະຕິບັດຢ່າງຈິງຈັງ. ໃນຕໍ່ໜ້ານີ້ສະພາບການຕ່າງໆ ຍັງຈະສືບຕໍ່ຜັນແປໄປຢ່າງສັບ ສົນ, ພວກເຮົາຕ້ອງສ້າງການຫັນ ປ່ຽນທີ່ແຂງແຮງ, ອັນສຳຄັນທີ່ ສຸດຄືຕ້ອງເພີ່ມທະວີຄວາມສາ ມັກຄີເປັນເອກະພາບພາຍໃນພັກ, ຍົກສູງມານະຈິດປະຕິວັດ, ຄວາມ ເສຍສະຫຼະ ແລະຄວາມເປັນແບບ ຢ່າງນຳໜ້າໃນການຊີ້ນຳແກ້ໄຂ ບັນຫາ, ເຮັດແທ້ທຳຈິງ, ປັບປຸງ ແບບແຜນວິທີການເຮັດວຽກທີ່ ເປັນລະບົບ ແລະຕໍ່ເນື່ອງ, ເພີ່ມ ທະວີການຕິດຕາມ, ກວດກາ ແລະ ແກ້ໄຂບັນຫາຫຍໍ້ທໍ້ພາຍໃນກົງ ຈັກ, ເອົາໃຈໃສ່ວຽກງານການປຸກ ລະດົມຂະບວນການໃຫ້ແຂງ ແຮງ, ຕໍ່ເນື່ອງ ໂດຍຖືເອົາຜົນປະ ໂຫຍດ ຂອງປະຊາຊົນ ແລະສ່ວນ ລວມເປັນທີ່ຕັ້ງ, ສ້າງເງື່ອນໄຂໃຫ້ ປະຊາຊົນສາມາດ ຍົກ ລະດັບຊີວິດ ການເປັນຢູ່ໃຫ້ດີຂຶ້ນ
