ປະດັບຫຼຽນໄຊແຮງງານ ໃຫ້ຜູ້ມີຜົນງານໃນຂະບວນການແຂ່ງຂັນຮັກຊາດ ແລະພັດທະນາ
ກອງປະຊຸມສະຫຼຸບການແຂ່ງ ຂັນ-ຍ້ອງຍໍຮັກຊາດ ແລະພັດທະ ນາ(2016-2020) ແລະພິທີປະ ກາດຂໍ້ແຂ່ງຂັນຮັກຊາດ ແລະພັດ ທະນາແຂວງສະຫວັນນະເຂດ (2021-2025) ໄດ້ຈັດຂຶ້ນຢ່າງ ເປັນທາງການໃນວັນທີ 6 ທັນ ວາ 2022 ທີ່ຫໍວັດທະນະທຳໄກ ສອນພົມວິຫານ ພາຍໃຕ້ການ ເປັນກຽດເຂົ້າຮ່ວມຂອງທ່ານ ສັນຕິພາບ ພົມວິຫານ ເຈົ້າແຂວງ ສະຫວັນນະເຂດ ທັງເປັນປະທານ ຄະນະຊີ້ນຳຂັ້ນແຂວງກ່ຽວກັບ ການແຂ່ງຂັນ-ຍ້ອງຍໍຮັກຊາດ ແລະພັດທະນາ ເຊິ່ງມີການນຳ ພັກ-ລັດຂັ້ນແຂວງ, ຂັ້ນເມືອງ ຈາກ14 ເມືອງ ແລະນະຄອນໄກ ສອນພົມວິຫານ ຕະຫຼອດເຖິງ ບັນດານັກທຸລະກິດ, ສະຖາບັນ ການສຶກສາພາກລັດ-ເອກະຊົນ, ຜູ້ຊົງຄຸນວຸດທິ, ແຂກຖືກເຊີນ ແລະ ການຈັດຕັ້ງທີ່ກ່ຽວຂ້ອງເຂົ້າຮ່ວມຢ່າງຫຼວງຫຼາຍ.
ໂອກາດກ່າວເປີດພິທີ, ທ່ານ ສັນຕິພາບ ພົມວິຫານ ໄດ້ກ່າວ ໃຫ້ຮູ້ວ່າ: ກອງປະຊຸມຄັ້ງນີ້ ແມ່ນ ມີຄວາມໝາຍສຳຄັນຢ່າງຍິ່ງ ເຊິ່ງບໍ່ສະເພາະແຕ່ເປັນການສະ ຫຼຸບຂະບວນການວຽກງານແຂ່ງ ຂັນ-ຍ້ອງຍໍເທົ່ານັ້ນ, ຫາກເປັນ ການຕີລາຄາຄວາມສາມາດ ແລະຄຸນະພາບການນຳພາ-ຊີ້ ນຳຂອງອົງຄະນະພັກແຂວງກໍ່ ຄືຄະນະພັກແຕ່ລະຂັ້ນໃນການ ເສີມຂະຫຍາຍສິດເປັນເຈົ້າຂອງ ປະຊາຊົນ ບົນພື້ນຖານສ້າງຄວາມ ເຂັ້ມແຂງໃຫ້ແກ່ທ້ອງຖິ່ນຮາກ ຖານ. ຕະຫຼອດໄລຍະ 5 ປີຜ່ານ ມາ, ພວກເຮົາສາມາດຍາດໄດ້ ຜົນສໍາເລັດສຳຄັນໃຫຍ່ຫຼວງຫຼາຍ ດ້ານໃນພາລະກິດປົກປັກຮັກສາ ແລະສ້າງສາພັດທະນາແຂວງສະ ຫວັນນະເຂດ ກ້າວຂຶ້ນສູ່ຈຸດໝາຍ ທີ່ວາງໄວ້ ແຕ່ກໍ່ຍັງມີຫຼາຍບັນຫາ ສຳຄັນທີ່ພວກເຮົາຕ້ອງໄດ້ສະ ຫຼຸບຕີລາຄາໃຫ້ຖືກຕ້ອງ, ເລິກເຊິ່ງ, ຮອບດ້ານ ແລະພາວະວິໄສ ເພື່ອ ເປັນພື້ນຖານອັນໜັກແໜ້ນໃຫ້ ແກ່ການກໍານົດທິດທາງໃນການ ສືບຕໍ່ສ້າງ ແລະບູລະນະລະບອບ ປະຊາທິປະໄຕປະຊາຊົນໃນຕໍ່ໜ້າ ຕາມຈຸດໝາຍຂອງພັກ ແລະລັດ ຖະບານໃຫ້ນັບມື້ເຂັ້ມແຂງ ແລະ ໜັກແໜ້ນຂຶ້ນເທື່ອລະກ້າວ
ທ່ານ ຈິນດາວັນ ບຸດລາສີ ຫົວໜ້າພະແນກພາຍໃນແຂວງ ໄດ້ ລາຍງານໃຫ້ຮູ້ໂດຍສັງເຂບວ່າ: ຜ່ານການຈັດຕັ້ງປະຕິບັດການ ແຂ່ງຂັນຮັກຊາດ ແລະພັດທະນາ, ສ້າງບ້ານພັດທະນາ ແລະຜັນຂະ ຫຍາຍວຽກງານ 3 ສ້າງເຂົ້າສູ່ ລວງເລິກໃນທົ່ວແຂວງຕາມເນື້ອ ໃນ 4 ດ້ານ ໄດ້ປະກອບສ່ວນ ຢ່າງຕັ້ງໜ້າໃຫ້ແຂວງສະຫວັນ ນະເຂດມີສະຖຽນລະພາບທາງ ດ້ານການເມືອງ, ສັງຄົມມີຄວາມ ສະຫງົບເປັນລະບຽບຮຽບຮ້ອຍ ດີ, ເສດຖະກິດຂະຫຍາຍຕົວຢ່າງ ຕໍ່ເນື່ອງ, ວັດທະນະທຳ-ສັງຄົມ ໄດ້ຮັບການພັດທະນາ, ຊີວິດການ ເປັນຢູ່ຂອງປະຊາຊົນໄດ້ຮັບການ ປັບປຸງ, ການຄຸ້ມຄອງລັດ, ຄຸ້ມ ຄອງສັງຄົມດ້ວຍກົດໝາຍໄດ້ຮັບ ການເຊີດຊູ ແລະຈັດຕັ້ງປະຕິບັດ ຢ່າງທົ່ວເຖິງ; ກົງຈັກການຈັດຕັ້ງ ຂອງພັກ-ລັດ, ແນວລາວສ້າງ ຊາດ, ອົງການຈັດຕັ້ງມະຫາຊົນ ແລະອົງການຈັດຕັ້ງສັງຄົມແຕ່ລະຂັ້ນໄດ້ຮັບການປັບປຸງດີຂຶ້ນ ເປັນກ້າວໆ. ໂດຍອີງຕາມຜົນສຳ ເລັດໃນວຽກງານດ້ານຕ່າງໆ ແຂວງສະຫວັນນະເຂດພວກເຮົາ ໄດ້ສະເໜີໃຫ້ມີການຍ້ອງຍໍຂັ້ນ ແຂວງ ແລະຂັ້ນລັດຖະບານເພື່ອ ເປັນສິ່ງກະຕຸກຊຸກຍູ້ໃຫ້ພະນັກ ງານ-ລັດຖະກອນ ແລະປະຊາ ຊົນບັນດາເຜົ່າພາຍໃນແຂວງ ທີ່ໄດ້ປະກອບສ່ວນຢ່າງຕັ້ງໜ້າໃນການສ້າງສາພັດທະນາປະ ເທດຊາດ ທາງດ້ານເຫື່ອແຮງ, ສະຕິປັນຍາ ແລະວັດຖຸທຶນຮອນ ຊ່ວຍສັງຄົມຕະຫຼອດໄລຍະ 5 ປີ ຜ່ານມາໃນນີ້ຮັບນາມມະຍົດວິ ລະຊົນແຮງງານ 1 ທ່ານ (ທ່ານ ເກຍ ອູ໊ສິດທິເດດ), ຫຼຽນນາມມະ ຍົດນັກພັດທະນາດີເດັ່ນແຫ່ງຊາດ 2 ທ່ານ ( ທ່ານ ສາຍສະໝອນ ກວານເມືອງຈັນ ແລະທ່ານ ນາງ ສົງບັນດິດ ຍົດໝັ້ນຄົງ), ຫຼຽນ ໄຊແຮງງານຊັ້ນ I ຈຳນວນ 194 ທ່ານ, ມີ 32 ກົມກອງ, ລວມ 226 ຫຼຽນ, ຫຼຽນໄຊເຮງ ງານຊັ້ນ II ຈຳນວນ 521 ທ່ານ, 68 ກົມກອງ, ລວມ 589 ຫຼຽນ, ຫຼຽນໄຊເເຮງງານຊັ້ນ III ຈຳນວນ 647 ທ່ານ, 97 ກົມກອງ, ລວມ 744 ຫຼຽນ, ຫຼຽນກາເເຮງງານ 1.107 ທ່ານ, 91 ກົມກອງ, ລວມ 1.198 ຫຼຽນ, ໃບຍ້ອງຍໍລັດຖະບານ 1.388 ທ່ານ, 110 ກົມກອງ, ລວມ 1.498 ໃບ, ໃບຍ້ອງຍໍເຈົ້າແຂວງ ສະຫວັນນະເຂດ 3.412 ໃບ ແລະຊົມເຊີຍທ່ານເຈົ້າແຂວງອີກ ຈຳນວນ 2.645 ໃບ.
ຈາກນັ້ນ, ໃນພິທີ ກໍ່ໄດ້ມີການ ປະດັບຫຼຽນໄຊແຮງງານຊັ້ນ I, ຊັ້ນ II ແລະຊັ້ນ III ໃຫ້ຜູ້ທີ່ມີຜົນງານ ດີເດັ່ນໃນຂະບວນການແຂ່ງຂັນ ຮັກຊາດ, ສ້າງບ້ານພັດທະນາ ແລະຜັນຂະຫຍາຍວຽກງານສາ ມສ້າງເຂົ້າສູ່ລວງເລິກ ໃນໄລ ຍະ 5 ປີຜ່ານມາ ໂດຍໃຫ້ກຽດປະ ດັບຫຼຽນຂອງທ່ານເຈົ້າແຂວງ ສະຫວັນນະເຂດ
ວາລະຕໍ່ມາ, ທ່ານ ນາງ ຫຼິງທອງ ແສງຕາວັນ ຮອງເຈົ້າ ແຂວງສະຫວັນນະເຂດ ຄະນະ ຊີ້ນຳຂັ້ນແຂວງກ່ຽວກັບການ ແຂ່ງຂັນ-ຍ້ອງຍໍຮັກຊາດ ແລະ ພັດທະນາ ໄດ້ຂຶ້ນຜ່ານເນື້ອໃນຂໍ້ ແຂ່ງຂັນລວມຂອງແຂວງ ພ້ອມ ທັງເປີດຂະບວນການແຂ່ງຂັນ ຍ້ອງຍໍ-ຮັກຊາດ ແລະພັດທະນາ ແຂວງ 2021-2025 ຕໍ່ຈາກນັ້ນ, ບັນດາທ່ານເຈົ້າເມືອງ 14 ເມືອງ, 1 ນະຄອນ ແລະຕາງໜ້າແຕ່ລະ ຂົງເຂດວຽກງານພາຍໃນແຂວງ ກໍ່ໄດ້ຂຶ້ນປະກາດຂໍ້ແຂ່ງຂັນ ແລະ ຈັບແຂ່ງຂັນມືກັນຢ່າງເປັນທາງ ການ
