ວຽກງານວາງສະແດງສິນຄ້າເປັນອີກວຽກໜື່ງທີ່ ສະພາການຄ້າ ແລະອຸດສາຫະກຳແຂວງ ໃຫ້ຄວາມສຳຄັນ ເພື່ອເປັນການສົ່ງເສີມສະມາຊິກ ແລະ ຜູ້ປະກອບການພາຍໃນແຂວງ ໃຫ້ສາມາດເຂົ້າເຖິງຕະຫຼາດ ແລະ ສ້າງເຄືອຂ່າຍທຸລະກິດ. ນອກຈາກນັ້ນ ເພື່ອເປັນການໂຄສະນາ ແລະ ປະຊາສຳພັນ ຜະລິດຕະພັນ ຫຼື ສິນຄ້າຂອງສະມາຊິກ ໃຫ້ກວ້າງຂວາງອອກທັງພາຍໃນ ແລະ ຕ່າງປະເທດ ໂດຍຜ່ານການເຂົ້າຮ່ວມງ່ານວາງສະແດງສິນຄ້າຕ່າງໆ ຂອງບັນດາອົງການຈັດຕັ້ງທາງພາກລັດ ແລະ ພາກທຸລະກິດ. ນອກຈາກນີ້ ສະພາການຄ້າ ແລະ ອຸດສາຫະກຳແຂວງ ຍັງໄດ້ມີການຈັດຕັ້ງງານວາງສະແດງສິນຄ້າຂອງຕົນອງຂື້ນໃນແຕ່ລະປີ
ເພື່ອເປັນການອຳນວຍຄວາມສະດວກໃຫ້ແກ່ສະມາຊິກ ໃນການເຂົ້າຮ່ວມງານ, ສຄອ.ສຂ ໄດ້ໃຫ້ບໍລິການ:
- ປະສານກັບພາກທຸລະກິດໃນການເຂົ້າຮ່ວມງານວາງສະແດງສິນຄ້າ ທັງພາຍໃນ ແລະ ຕ່າງປະເທດ
- ດຳເນີນເອກະສານການເຂົ້າຮ່ວມງານ ( ເອກະສານການຕອບຮັບເຂົ້າຮ່ວມງານ, ໃບແຈ້ງລາຄາ, ໃບຫຸ້ມຫໍ່ ແລະ ເອກະສານເພື່ອອຳນວຍຄວາມສະດວກອື່ນໆ)
- ໂຄສະນາ ແລະ ປະຊາສຳພັນ ຜະລິດຕະພັນ ຫຼື ສິນຄ້າຂອງພາກທຸລະກິດ
- ຈອງຫ້ອງວາງສະແດງຂອງພາກທຸລະກິດ.
- ຈັດງານ ວາງສະແດງສິນຄ້າພາຍໃນ
- ຈັດງານ ວາງສະແດງລົດຍົນ
- ຈັດງານ ວາງສະແດງ ແລະ ສົ່ງເສີມ ວິສາຫະກິດຂະໜາດນ້ອຍ-ກາງ
- ຈັດງານ ຕະຫຼາດນັດ ແຮງງານ
ນອກຈາກນີ້ ສະພາການຄ້າ ແລະ ອຸດສາຫະກຳແຂວງ ຍັງໄດ້ ມີການສ້າງເຄືອຂາຍໃຫ້ແກ່ພາກທຸລະກິດ ໂດຍຜ່ານ ວຽກງານຈັບຄູ່ທຸລະກິດ.
ເພື່ອເປັນ ການເຜີຍແຜ່ບັນດາແຈ້ງການ, ລະບຽບການ , ກົດໝາຍຂົງເຂດເສດຖະກິດ ແລະ ວຽກງານການເຄື່ອນໄຫວຕ່າງໆ ຂອງ ສຄອ.ສຂ ຜ່ານເວັບໄຊຂອງ ສຄອ.ສຂ (www.svk.cci.com) , ເຟສບຸກ (Facebook: SavannakhetCCI) ແລະ ສື່ສິ່ງພິມຕ່າງໆ. ນອກຈາກນີ້ ຍັງມີການຕິດຕໍ່ພົວພັນວຽກງານ ກັບບັນດາພະແນກການທີ່ກ່ຽວຂ້ອງ ທັງພາຍໃນ ແລະ ຕ່າງປະເທດ ດ້ວຍລະບົບ ອີເລັກໂທນິກ, Email:Savannakhet.lao@gmail.com, ລະບົບ Zoom ແລະ ລະບົບ Microsoft team