ສບວ.ສຂ
ສູນບໍລິການວິສາຫະກິດຂະໜາດນ້ອຍ ແລະ ກາງແຂວງສະຫວັນນະເຂດ (ສບວ.ສຂ)
ຫ້ອງການເລກທີ 305/23, ຖະໜົນອຸດົມສິນ, ບ້ານສຸນັນທາ, ເມືອງໄກສອນພົມວິຫານ, ແຂວງສະຫວັນນະເຂດ, ສປປລາວ
ໂທ: 856 41 253326 ແຟັກ: 856 41 253326
ອີເມວ: savannakhet.lao@gmail.com
Facebook: SavannaketCCI
Website: www.svk.laocci.com
ບໍລິການ
- ບໍລິການໃຫ້ຄຳປຶກສາ ໃນການເຂົ້າຫາແຫຼ່ງທືນ
- ບໍລິການຝຶກອົບຮົມ
- ບໍລິການດ້ານຈັບຄູ່ທຸລະກິດ
- ບໍລິການດ້ານການຕະຫຼາດ
- ກອງທຶນສົ່ງເສີມ ວິສາຫະກິດຂະໜາດນ້ອຍ ແລະ ກາງ ໃນການເຂົ້າຫາແຫຼ່ງທຶນຂອງລັດຖະບານ
- ກອງທຶນສົ່ງເສີມ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນການເຂົ້າຫາແຫຼ່ງທຶນ ດອກເບ້ຍ 6% ຂອງ ສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນ
ຄວາມເປັນມາຂອງ ສູນບໍລິການວິສາຫະກິດຂະໜາດນ້ອຍ ແລະ ກາງແຂວງ (ສບວ.ສຂ)
ສູນບໍລິການວິສາຫະກິດຂະໜາດນ້ອຍ ແລະ ກາງແຂວງສະຫວັນນະເຂດ (ສບວ.ສຂ)
Savannakhet Provicial SME Service Center
ສູນບໍລິການຂະໜາດນ້ອຍ ແລະ ກາງແຂວງສະຫວັນນະເຂດ ເປັນການຮ່ວມມື ລະຫວ່າງ ສະພາການຄ້າ ແລະ ອຸດສາຫະກຳແຫ່ງຊາດລາວ ກັບ ສະພາການຄ້າ ແລະ ອຸດສາຫະກຳແຂວງສະຫວັນນະເຂດ ເພື່ອໃຫ້ບໍລິການ ແກ່ຜູ້ປະກອບການວິສາຫະກິດຂະໜາດນ້ອຍ ແລະ ກາງແຂວງ ຢູ່ພາຍໃນແຂວງສະຫວັນນະເຂດ. ໂດຍການເຫັນດີເປັນເອກະພາບ ຈາກການນຳຂັ້ນແຂວງ ແລະ ລະຫວ່າງສູນບໍລິການ ວິສາຫະກິດຂະໜາດນ້ອຍ ແລະ ກາງແຂວງ ສ້າງຕັ້ງຂຶ້ນໃນວັນທີ 29/10/2020, ຫ້ອງການຕັ້ງຢູ່ ເຮືອນເລກທີ 305, ຖະໜົນອຸດົມສິນ ນະຄອນໄກສອນພົມວິຫານ ແຂວງສະຫວັນນະເຂດ ມີຫ້ອງການປະຈຳ ຢູ່ກັບ ຫ້ອງການຂອງ ສຄອ.ສຂ
ຕິດຕໍ່ປະສານງານ 041 253 325/253 326 , Email: SavanSSC@gmail.com
ໂຄງຮ່າງການຈັດຕັ້ງ ຂອງ ສູນບໍລິການວິສາຫະກິດຂະນາດນ້ອຍ ແລະ ກາງແຂວງ
- ສບວ.ສຂ ປະກອບມີ ຄະນະຊີ້ນຳລວມ ຈາກພາກລັດ ແລະ ພາກທຸລະກິດ 08 ທ່ານ
- ຄະນະບໍລິຫານງານ ສບວ.ສຂ 23 ທ່ານ ( ຄະນະຈາກພາກລັດ ແລະ ສະຖາບັນການສຶກສາ 07 ທ່ານ ແລະ ພາກທຸລະກິດ ແລະ ກຸ່ມ/ສະມາຄົມ 13 ທ່ານ)
- ຄະນະປະທານ/ຄະນະປະຈຳ ຕາງໜ້າຈາກພາກທຸລະກິດ (ປ່ຽນຜຽນກັນປະຈຳການ)
- ກອງເລຂາ 03 ທ່ານ (ອຳນວຍການສູນ 01 ທ່ານ ແລະ ວິຊາການ 02 ທ່ານ)
ແຜນວາດໂຄງຮ່າງການຈັດຕັ້ງ
ການບໍລິການ ຂອງ ສບວ.ສຂ
ບໍລິການໃຫ້ຄຳປຶກສາ ໃນການເຂົ້າຫາແຫຼ່ງທືນ
- ສູນບໍລິການວິສາຫະກິດຂະນາດນ້ອຍ ແລະ ກາງແຂວງ ມີພະນັກງານ ປະຈຳ ເພື່ອໃຫ້ການບໍລິການທາງດ້ານຂໍ້ມູນຂ່າວສານໃນການເຂົ້າຫາແຫຼ່ງທຶນຕ່າງໆ ຂອງລັດຖະບານ, ອົງການຈັດຕັ້ງສາກົນ ແລະ ພາກທຸລະກິດ
- ໃຫ້ການບໍລິການຂໍ້ມູນຂ່າວສານ ດ້ານການເຂົ້າຫາແຫຼ່ງທຶນ ສົ່ງເສີມ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນການເຂົ້າຫາແຫຼ່ງທຶນ ດອກເບ້ຍ 6% ຂອງ ສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນ.
ບໍລິການດ້ານການຝຶກອົບຮົມ
- ການຝຶກອົບທາງດ້ານ ບໍລິຫານ, ດ້ານການເງິນ-ການບັນຊີ, ດ້ານວິຊາການ, ວິຊາສະເພາະ ແລະ ການຕະຫຼາດ
- ການຈັດກິດຈະກຳ ການຂຽນແຜນທຸລະກິດ ຂອງນັກຮຽນນັກສຶກສາໄວໜຸ່ມ ຮ່ວມກັບສະຖາບັນການສຶກສາ
- ຈັດກອງປະຊຸມເວທີສົນທະນາ ກັບບັນດານັກທຸລະກິດ ທີ່ປະສົບຜົນສຳເລັດໃນການດຳເນີນທຸລະກິດ
- ສົ່ງເສີມ ແລະ ອຳນວຍຄວາມສະດວກໃຫ້ວິສາຫະກິດຂະໜາດນ້ອຍ ແລະ ກາງໃນການຈົດທະບຽນວິສາຫະກິດ ແລະ ຈົດທະບຽນຊັບສິນທາງປັນຍາ, ສ້າງວິສາຫະກິດຂະໜາດນ້ອຍ ແລະ ກາງ (Start up)
- ສ້າງລະບົບການມອບລາງວັນນະວັດຕະກຳດ້ານຕ່າງໆ
ບໍລິການດ້ານຈັບຄູ່ທຸລະກິດ
- ຈັດກອງປະຊຸມພົບປະ ແລະ ແລກປ່ຽນ ທັງໃນ ແລະ ນອກສະຖານທີ່ ລະຫວ່າງຜູ້ປະກອບການຊາວນາ ຫຼື ກຸ່ມບ້ານ ຕາມສາຂາອາຊີບ ທັງພາບໃນ ແລະ ຕ່າງປະເທດ ເພື່ອໃຫ້ເກີດມີການຮ່ວມມື ແລະ ການພັດທະນາສິຄ້າ ແລະ ຜະລິດຕະພັນຮ່ວມກັນ
- ຈັດກອງປະຊຸມພົບປະ ແລະ ແລກປ່ຽນ ລະຫວ່າງ ຜູ້ປະກອບການ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍຕາມສາຂາອາຊີບ ກັບພາຍໃນ, ຕ່າງແຂວງ ແລະ ຕ່າງປະເທດ
- ຈັດກອງປະຊຸມພົບປະ ລະຫວ່າງ ວິສາຫະກິດຂະໜາດນ້ອຍ ແລະ ກາງພາຍໃນ ແລະ ຮ່ວມກັບ ຕ່າງປະເທດ
- ຈັດກອງປະຊຸມພົບປະ ລະຫວ່າງ ວິສາຫະກິດຂະໜາດນ້ອຍ ແລະ ວິສາຫະກິດຂະໜາດກາງ ແລະ ໃຫຍ່
ບໍລິການດ້ານການຕະຫຼາດ
- ຈັດຕັ້ງໂຄງການທັດສະນະສຶກສາ ແລະ ແລກປ່ຽນ ທ່າແຮງດ້ານການຜະລິດສິນຄ້າກະສິກຳ ກັບບັນ ດາເມືອງ ແລະ ແຂວງອ້ອມຂ້າງ ໃຫ້ແກ່ຜູ້ປະກອບການ, ຊາວສວນ-ຊາວນາ ໃຫ້ໄດ້ທຳການຜະລິດຮັບໃຊ້ພາຍໃນ
- ຈັດຕັ້ງໂຄງການທ່ອງທ່ຽວແບບກະສິກຳ ແລະ ຫັດຖະກຳ ເພື່ອເປັນການສົ່ງເສີມສິນຄ້າກະສິກຳ ແລະ ຂະຫຍາຍຕະຫຼາກ
- ຈັດຕັ້ງ ແລະ ເຂົ້າຮ່ວມງານວາງສະແດງ ທີ່ຕິດພັນກັບການສົ່ງເສີມ ແລະ ພັດທະນາ ວິສາຫະກິດຂະໜາດນ້ອຍ ແລະ ກາງ ປະຈຳປິ
ບໍລິການດ້ານຂໍ້ມູນຂ່າວສານ ກອງທຶນສົ່ງເສີມ ວິສາຫະກິດຂະໜາດນ້ອຍ ແລະ ກາງ ໃນການເຂົ້າຫາແຫຼ່ງທຶນຂອງລັດຖະບານ
ປັດຈຸບັນ ທສວ ສະໜອງສິນເຊື່ອໃຫ້ ວນກ ຜ່ານ 07 ທະນາຄານທຸລະກິດຄື: ທະນາຄານພັດທະນາລາວ, ທະນາຄານຮ່ວມທຸລະກິດລາວຫວຽດ, ທະນາຄານໄຊງ່ອນເທືອງຕິ່ນລາວ, ທະນາຄານລາວຈີນ, ທະນາຄານເອັສທີ, ທະນາຄານມາຣູຮານເຈເເປນລາວ ເເລະ ທະນາຄານຫວຽດຕິນລາວ
ນອກນັ້ນ ທສວ ກໍຍັງສະໜອງສິນເຊື່ອໃຫ້ ຈຸນລະວິສາຫະກິດ ແລະ ກຸ່ມຜູ້ຜະລິດຜ່ານ 11 ສະຖາບັນການເງິນຈຸລະພາກຄື: ສກຈຮ ປະຕູຄໍາ ຈໍາກັດ, ສກຈບ ເນັກ ຈໍາກັດ , ສກຈບ ເພື່ອການພັດທະນາ ເເລະ ສົ່ງເສີມທຸລະກິດ ຈໍາກັດ (BDP) , ສກຈບ ໄຊອຸດົມ, ສກຈບ ຈໍາປາລາວ, ສກຈຮ ສິນຊັບເມືອງເໜືອ ຈໍາກັດຜູ້ດຽວ, ສາຫະກອນສິນເຊື່ອ ເເລະ ເງິນຝາກປະຢັດເຊໂນ, ສກຈບ ສະເຫຼີມສຸກ ຈໍາກັດ, ສກຈຮ ດອກຄູນຈໍາກັດ.
ພ້ອມນັ້ນ ທສວ ຍັງສະໜອງສິນເຊື່ອໃຫ້ 2 ກອງທຶນ ຄື: ກອງທຶນນາງຟ້າຂອງສະພາການຄ້າ ເເລະ ອຸດສາຫະກໍາເເຫ່ງຊາດລາວ ເເລະ ກອງທຶນພັດທະນາໄຊສົມບູນ.
ບ້ວງເງິນສະໜອງສິນເຊື່ອຂອງ ທສວ ມີຢູ່ 05 ບ້ວງຄື:
- ບ້ວງເງິນ ລັດຖະບານ ປະກອບທຶນກໍ່ຕັ້ງໃຫ້ ທສວ
- ບ້ວງເງິນ ໂຄງການເຂົ້າເຖິງເເຫຼ່ງທຶນຂອງ ວນກ
- ບ້ວງເງິນ ສະສົມຂອງ ທສວ
- ບ້ວງເງິນ ລັດຖະບານ ອັດຕາດອກເບ້ຍ 3% ຕໍ່ປີ
- ບ້ວງເງິນ ໂຄງການເຂົ້າເຖິງເເຫຼ່ງທຶນຂອງ ຈນກ ເພື່ອຮັບມືກັບຜົນກະທົບ ເເລະ ຟື້ນຟູຈາກໂຄວິດ-(MSME A2F-ESR )
ຂໍ້ມູນເພີ່ມເຕີມ: www.laosmefund.org
ບໍລິການ ກອງທຶນສົ່ງເສີມ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນການເຂົ້າຫາແຫຼ່ງທຶນ ດອກເບ້ຍ 6% ຂອງ ສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນ.
I ພາລະບົດບາດຂອງ ສຄອ.ສຂ ຫຼື ສບວ.ສຂ ແລະ ສສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນ ໃນການຈັດຕັ້ງປະຕິບັດກອງທຶນ
ພາລະບົດບາດ ຂອງສຄອ.ສຂ ແລະ ສບວ.ສຂ ໃນການຈັດຕັ້ງປະຕິບັດກອງທຶນ
- ສະໜອງບັນດາຂໍ້ມູນຂ່າວສານ ແລະ ໃຫ້ຄຳແນະນຳທີ່ຈຳເປັນໃຫ້ແກ່ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນການເຂົ້າຫາແຫຼ່ງທຶນ ດອກເບ້ຍ 06% ຕໍ່ປີ.
- ຮັບຜິດຊອບການລົງທະບຽນຄຳຮ້ອງຂໍສິນເຊື່ອຂອງຈຸນລະວິສາຫະກິດ ແລະ ວິສາຫະກິດຂະໜາດນ້ອຍ.
- ກວດກາບັນດາເອກະສານ ແລະ ເງື່ອນໄຂຕ່າງໆ (ເຊັ່ນ: ໃບທະບຽນວິສາຫະກິດ, ການຖືບັນຊີ, ຜ່ານການຝຶກອົບຮົມທາງດ້ານການຂຽນແຜນທຸລະກິດ, ແຜນການເງີນ) ໃນການເຂົ້າຮ່ວມໂຄງການທີ່ກຳນົດໄວ້ໃຫ້ແກ່ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ກ່ອນຈະນຳສະເໜີໄປຂໍກູ້ຈາກຝ່າຍ ຂ.
- ຮັບຜິດຊອບ ໃນການຈັດຝຶກອົບຮົມ ແລະ ສົ່ງເສີມ ທາງດ້ານວິຊາການ ໃຫ້ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ເພື່ອໃຫ້ເຂົາສາມາດເຂົ້າເຖິງເງື່ອນໄຂໃນການກູ້ຢືມ ດອກເບ້ຍ 6% ຂອງ ສະຖາບັນບັນການເງິນຈຸລະພາກ ທີ່ຮັບເງິນຝາກສາຍໃຍສຳພັນ ເຊັ່ນ: ການຂຽນແຜນທຸລະກິດ, ແຜນການເງິນ ແລະ ບັນຊີເງິນສົດ.
- ອອກໜັງສືຢັ້ງຢືນຄວາມພ້ອມຂອງ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ແລະ ຈັດສົ່ງລາຍຊື່ຜູ້ມີຄວາມປະສົ່ງເຂົ້າຮ່ວມໂຄງການ ຂັດຕິດກັບເອກະສານສະເໜີຂໍສິນເຊື່ອຂອງແຕ່ລະລາຍເຖິງຝ່າຍ ຂ.
- ຈັດຝຶກອົບຮົມດ້ານວິຊາການທີ່ຈຳເປັນ ບໍ່ວ່າຈະເປັນການຈົດກາຍບັນຊີ, ການຈົດທະບຽນ ຫຼື ຂື້ນທະບຽນວິສາຫະກິດຂັ້ນເມືອງ ແລະ ຂັ້ນແຂວງ, ການຂຽນແຜນທຸລະກິດ ແລະ ດ້ານອື່ນໆທີ່ທາງຝ່າຍ ກ ເຫັນວ່າມີຄວາມຈຳເປັນ ເພື່ອໃຫ້ຈຸນລະວິສາຫະກິດ ແລະ ວິສາຫະກິດຂະໜາດນ້ອຍໄດ້ມີການພັດທະນາເພີ່ມເຕີມ.
- ເກັບກຳບັນດາສະຖິຕິການຈົດທະບຽນຂອງ ຈຸລະວິສາຫະກິດ ແລະ ວິສາຫະກິດຂະໜາດນ້ອຍ ແລະ ກາງ ທີ່ມີຄວາມສົນໃຈໃນການເຂົ້າຮ່ວມໂຄງການດັ່ງກ່າວ.
- ລາຍງານບັນຫາ, ຂໍ້ຫຍຸ້ງຍາກ ແລະ ຂໍສະເໜີ ໃນການຈັດຕັ້ງປະຕິບັດໂຄງການດັ່ງກ່າວໃຫ້ແກ່ ຄະນະຊີ້ນຳແຕ່ລະຝ່າຍ ເດືອນນື່ງ ຕໍ່ຄັ້ງ.
- ຮັບຜິດຊອບຄ່າໃຊ້ຈ່າຍທີ່ຕິດພັນກັບການສົ່ງເສີມວຽກທາງດ້ານວິຊາການ ແລະ ວຽກການບໍລິການໃຫ້ແກ່ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນການເຂົ້າຫາແຫຼ່ງທຶນ 06% ຕໍ່ປີ ດ້ວຍຕົນເອງ.
- ລາຍງານສະພາບການຈັດຕັ້ງປະຕິບັດໂຄງການຮ່ວມມືດັ່ງກ່າວ ໃຫ້ແກ່ ທະນາຄານແຫ່ງ ສປປ ລາວ ພາກກາງ ປະຈຳແຂວງສະຫວັນນະເຂດ ເປັນ……………
ພາລະບົດບາດ ຂອງສະຖາບັນການເງິນຈຸລະພາກ ທີ່ຮັບເງິນຝາກສາຍໃຍສຳພັນ ໃນການຈັດຕັ້ງປະຕິບັດກອງທຶນ
- ພິຈະລະນາບັນດາລາຍຊື່ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ(ຜູ້ເຂົ້າຮ່ວມໂຄງການ) ທີ່ມີການຢັ້ງຢືນ ຫຼື ລົງທະບຽນການເຂົ້າຮ່ວມໂຄງການ ຈາກສະພາການຄ້າ ແລະ ອຸດສາຫະກຳແຂວງ.
- ໃຫ້ການສະໜັບສະໜູນຈຸນລະວິສາຫະກິດ ແລະ ວິາຫະກິດຂະໜາດນ້ອຍ ທີ່ສຳເລັດຫຼັກສູດຕາມເງື່ອນໄຂ (ເຊັ່ນ:ການຂຽນແຜນທຸລະກິດ, ຂະບວນການ ແລະ ແຜນການເງິນ) ແລະ ນອກຈາກນີ້້ ສະຖາບັນຈະໄດ້ພິຈະລະນາ ອະນຸມັດເງິນກູ້ ຕາມລະບຽບ ແລະ ຂັ້ນຕອນຂອງສະຖາບັນ.
- ປະເມີນລູກຄ້າ ຫຼື ປະເມີນຜູ້ເຂົ້າຮ່ວມໂຄງການໃນການອະນຸມັດສິນເຊື່ອ.
- ສະໜອງເງິນກູ້ຕາມເງື່ອນໄຂໃຫ້ແກ່ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ຫຼື ຜູ້ຂໍກູ້.
- ແຈ້ງລາຍລະອຽດຂອງລູກຄ້າທີ່ໄດ້ຮັບສິນເຊື່ອ ໃຫ້ ສະພາການຄ້າ ແລະ ອຸດສາ ຫະກຳແຂວງຮັບຮູ້ນອກຈາກນັ້ນ ຈະສະໜອງລາຍລະອຽດກິດຈະກຳທີ່ເຫັນວ່າມີຜົນປະໂຫຍດແກ່ຜູ້ປະກອບການ. ຖ້າຫາກກໍລະນີທີ່ຜູ້ເຂົ້າຮ່ວມໂຄງການບໍ່ສາມາດໄດ້ສິນເຊື່ອ ຈະຕ້ອງໄດ້ແຈ້ງເຫດຜົນຢ່າງເປັນລາຍລັກອັກສອນສົ່ງໃຫ້ ສະພາການຄ້າ ແລະ ອຸດສາຫະກຳແຂວງສະຫວັນນະເຂດ ຮັບຊາບ ທຸກໆທ້າຍເດືອນ.
- ເປັນຜູ້ເກັບຕົ້ນທົ້ນທຶນ ແລະ ດອກເບ້ຍ ຄືນຈາກບັນດາ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ທີ່ໄດ້ຮັບການອະນຸມັດດ້ວຍຕົນເອງ
II ປະຫວັດຄວາມເປັນມາຂອງກອງທຶນ
ເພື່ອຜັນຂະຫຍາຍວາລະແຫ່ງຊາດ ວ່າດ້ວຍການແກ້ໄຂວ່າດ້ວຍຄວາມຫຍຸ້ງຍາກທາງດ້ານເສດຖະກິດ ແລະ ການເງິນ ໂດຍປະກອບສ່ວນເຂົ້າໃນວຽກງານສົ່ງເສີມການເຂົ້າຫາແຫຼ່ງທຶນຂອງ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ແລະ ກາງແຂວງ , ເພື່ອຊຸກຍູ້ການຜະລິດ ແລະ ສະໜັບສະໜູນວຽກງານສ້າງຄວາມເຂັ້ມແຂງໃຫ້ແກ່ບັນດາວິສາຫະກິດຂະໜາດນ້ອຍ ແລະ ກາງ ໂດຍຜ່ານ ສູນບໍລິການວິສາຫະກິດ ຂະໜາດນ້ອຍ ແລະ ກາງແຂວງ, ເພື່ອສ້າງໂອກາດ ແລະ ເງື່ອນໄຂຕ່າງໆໃຫ້ແກ່ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ສາມາດເຂົ້າເຖິງແຫຼ່ງທຶນໄດ້ຫຼາຍຂື້ນ ແລະ ຊ່ວຍໃຫ້ ວິສາຫະກິດຂະໜາດນ້ອຍ ແລະ ກາງມີການເຕີບໃຫຍ່ຂະຫຍາຍຕົວ ແລະ ເພີ່ມທະວີການຜະລິດເປັນສິນຄ້າ ແລະ ການບໍລິການ ສະນັ້ນ ຈື່ງເກີດມີ ການຮ່ວມມືໃນການຈັດຕັ້ງ ‘’ ກອງທຶນສົ່ງເສີມ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນການເຂົ້າຫາແຫຼ່ງທຶນ ດອກເບ້ຍ 6% ຂອງ ສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນ ” ລະຫວ່າງ ສະພາການຄ້າ ແລະ ອຸດສາຫະກຳແຂວງ ສະຫວັນນະເຂດ ກັບ ສະຖາບັນການເງິນ ຈຸລະພາກທີ່ຮັບເງິນຝາກສາຍໃຍສຳພັນ ໃນຄັ້ງວັນທີ 13 ພຶດສະພາ (05) 2022, ທີ່ຫ້ອງອາຫານຮຸງທິບ
III ຂໍ້ມູນກ່ຽວກັບກອງທຶນ
ກອງທຶນສົ່ງເສີມ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນການເຂົ້າຫາແຫຼ່ງທຶນດອກເບ້ຍ 6% ຂອງ ສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນ ສະໜອງສິນເຊື່ອໃຫ້ແກ່ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ
- ວົງເງິນກູ້ທັງໝົດ: 10 ຕື້ກີບຖ້ວນ ໄລຍະຈັດຕັ້ງປະຕິບັດກອງທຶນ: 5 ປີ
- ຂໍ້ມູນພື້ນຖານດ້ານສິນເຊື່ອ:
– ສະກຸນເງິນ: ການປ່ອຍກູ້ເປັນເງິນກີບ
– ອັດຕາດອກເບ້ຍ: 6% ຕໍ່ ປີ ( 0.5% ຕໍ່ເດືອນ )
– ໄລຍະກູ້:
ທຶນໝູນວຽນໄລຍະກູ້ຢືມ 3-5 ປີ
ທຶນຄົງທີ່ ໄລຍະກູ້ຢືມ 1-2 ປີ