ບົດລາຍງານ

ກອງທຶນສົ່ງເສີມການເຂົ້າຫາແຫຼ່ງທຶນ 6% ຕໍ່ປີ ໃຫ້ແກ່ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໄດ້ເລີ່ມຈັດຕັ້ງປະຕິບັດ ແລະ ບໍລິການການປ່ອຍສິນເຊື່ອ ໃນ ເດືອນ 31 ພຶດສະພາ 2022 ແລະ ໄດ້ດຳເນີນການປ່ອຍກູ້ ຈົນຮອດປັດຈຸບັນ ກອງທຶນດັ່ງກ່າວ ໄດ້ສະໜອງທຶນ ຈຳນວນ 10 ຕື້ກີບ ໃຫ້ແກ່ ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໃນອັດຕາດອກເບ້ຍ 6% ຕໍ່ປີ ກໍ່ຄື 0.5% ຕໍ່ເດືອນ ແລະ ໄດ້ໝອບໝາຍໃຫ້ແກ່ສູນບໍລິການວິສາຫະກິດຂະໜາດນ້ອຍ ແລະ ກາງແຂວງ ເປັນຜູ້ຈັດຕັ້ງປະຕິບັດ ຮ່ວມກັບ ໜ່ວຍງານສິນເຊື່ອຂອງສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນ ເຊີ່ງປັດຈຸບັນມີຄວາມຄືືບໜ້າດັ່ງນີ້ :
1. ການບໍລິຫານ
ໃນການໃຫ້ບໍລິການສິນເຊື່ອດອກເບ້ຍ 6% ຕໍ່ປີ ໄດ້ແບ່ງອອກເປັນ 2 ໜ້າວຽກໃນການຈັດຕັ້ງປະຕິບັດ ກໍ່ຄື ພາກສ່ວນການສະໜອງຂໍ້ມູນ, ກວດແກ້ເອກະສານ ແລະ ຄົ້ນຄວ້າ ແລະ ປະກອບເງື່ອນໄຂຂອງຜູ້ກູ້ ແມ່ນສູນບໍລິການວິສາຫະກິດຂະໜາດນ້ອຍ ແລະ ກາງແຂວງເປັນຜູ້ຮັບຜິດຊອບ ພາຍຫຼັງຜ່ານການກວດຜ່ານເງື່ອນໄຂໃນການກູ້ ຈະໄດ້ສົ່ງຕໍ່ໃຫ້ ສະຖາບັນການເງິນຈຸລະພາກທີ່ຮັບເງິນຝາກສາຍໃນສຳພັນ ເປັນຜູ້ຄົ້ນຄວ້າ ແລະ ອະນຸມັດຕາມເງື່ອນໄຂຂອງຜູ້ກູ້. ເຊີ່ງຜ່ານມາທັງສອງພາກສ່ວນກໍ່ໄດ້ມີການຄົ້ນຄວ້າ ແລະ ປັບປຸງເງື່ອນໄຂຕ່າງໆຮ່ວມກັນໂດຍເປັນເອກະພາບຫຼາຍຄັ້ງໃນປີ 2023 ເພື່ອເຮັດໃຫ້ ວິສາຫະກິດ ສາມາດເຂົ້າຫານແຫຼ່ງທຶນໄດ້ຫຼາຍຂື້ນ ບໍ່ວ່າຈະເປັນການປັບປຸ່ງຂັ້ນຂອດດ້ານເງື່ອນໄຂ, ຕັດຮອນບາງເງື່ອນໄຂທີ່ກະທົບຕໍ່ອັດຕາສ່ຽງຂອງສະຖາບັນຫຼາຍເກີນໄປ, ໃຫ້ຄຳປຶກສາທັງພາຍໃນ ແລະ ນອກສະຖານທີ່ໃນການປະກອບເອກະສານໃຫ້ສອດຄ່ອງ ແລະ ການໂຄສະນາໃນຫຼາຍໆຊ່ອງທາງເພື່ອໃຫ້ວິສາຫະກິດຮັບຮູ້ ບໍ່ວ່າຈະເປັນທາງຊື່ອອນລາຍແຟກບຸກສະພາ ແລະ ເວບໄຊ ສຄອ.ສຂ, ລົງເຜີຍແຜ່ໃນບັນດາເມືອງເປົ້າໝາຍ ແລະ ແຈກຍາຍໃບບິວຕ່າງໆ ( ນະຄອນໄກສອນ, ສອງຄອນ ແລະ ເມືອງອຸທຸມພອນ).

2. ວຽກປ່ອຍສິນເຊື່ອ :
– ຈຸນລະວິສາຫະກິດ ແລະ ວິສາຫະກິດຂະໜາດນ້ອຍ ໄດ້ພົວພັນເອກະສານຂໍສິນເຊື່ອ ຈຳນວນ 154 ຊຸດ, ໄດ້ສະເໜີຜ່ານ ສູນບໍລິການ ວິສາຫະກິດຂະໜາດນ້ອຍ ແລະ ກາງ ໃຫ້ສະຖາບັນການເງິນ ຈຳນວນ 43 ຫົວໜ່ວຍ ແລະ ໄດ້ຮັບການອະນຸມັດສິນເຊື່ອ ແລະ ເຊັນສັນຍາ ແລ້ວ ຈຳນວນ 26 ລາຍ ມູນຄ່າ 2,420,000,000 ກີບ (ໃນນັ້ນ ປີ 2023 ມີຈຳນວນ 35 ຫົວໜ່ວຍ ແລະ ອະນຸມັດ ແລະ ເຊັນສັນຍາ ຈຳນວນ 23 ລາຍ ມູນຄ່າ 1,940,000,000 ກີບ)
– ໃນນັ້ນ ໄດ້ອະນຸມັດສິນເຊື່ອໃນຂະແໜງ ກະສິກຳ ປູກຝັງ ແລະ ລ້ຽງສັດ ຈຳນວນ 09 ຫົວໜ່ວຍ, ຂະແໜງ ການຄ້າ 09 ຫົວໜ່ວຍ, ຂະແໜງ ບໍລິການ 4 ຫົວໜ່ວຍ ແລະ ຂະແໜງຫັດຖຳກຳ 02 ຫົວໜ່ວຍ.
– ມີຫົວໜ່ວຍທຸລະກິດ ທີໄດ້ຮັບການອະນຸມັດ ແຕ່ຂໍຍົກເລີກການກູ້ຢືມ ຈຳນວນ 05 ລາຍ ເນື່ອງຈາກ ວົງເງິນກູ້ທີ່ອະນຸມັດບໍ່ເທົ່າກັບຈຳນວນເງິນທີ່ ວິສາຫະກິດຕ້ອງການສະເໜີກູ້ (ສາເຫດຍ້ອນ ຄົນຄ້ຳປະກັນຂອງຜູ້ກູ້ບໍ່ມີ, ຫຼັກຊັບຄ້ຳປະກັນບໍ່ເຖິງ ແລະ ການປະເມີນທາງດ້ານທຸລະກິດບໍ່ຜ່ານ)
– ການສະເໜີກູ້ຢືມ ສ່ວນຫຼາຍຈະຢູ່ໃນວົງເງິນ 80 – 100 ລ້ານກີບ ເນື່ອງຈາກວ່າເງື່ອນໄຂການກູ້ຢືມໃນວົງເງິນດັ່ງກ່າວ ຜູ້ປະກອບການສາມາດປະກອບເອກະສານໄດ້.

ຕາຕະລາງສັງລວມການປ່ອຍກູ້ ຕັ້ງແຕ່ເລີ່ມປ່ອຍຈົນຮອດ ປີ 2023 ແຍກຕາມຂະແໜງການ