ວຽກງານ ຕາງໜ້າຜູ້ໃຊ້ແຮງງານ
ປະຫວັດການເຄື່ອນໄຫວວຽກງານຂອງໜ່ວຍງານຄຸ້ມຄອງແຮງງານຂັ້ນແຂວງ
ສະພາການຄ້າ ແລະ ອຸດສາຫະກຳແຂວງສະຫວັນນະເຂດ ມີພາລະບົດບາດ ເປັນຕົວແທນໃຫ້ແກ່ຜູ້ໃຊ້ແຮງງານ ສະມາຄົມເສດຖະກິດ-ກຸ່ມທຸລະກິດ,ສະຫະກອນ,ກຸ່ມຜູ້ປະກອບການທຸລະກິດອິດສະຫລະ ແລະ ຫົວໜ່ວຍທຸລະກິດທີ່ສ້າງຕັ້ງ, ເຄື່ອນໄຫວຖືກຕ້ອງຕາມກົດໝາຍຂອງ ສປປ ລາວ ໃນການປຸກລະດົມຂົນຂວາຍ,ສຶກສາອົບຮົມ,ນຳພາ,ຈັດຕັ້ງ,ເຕົ້າໂຮມນັກທຸລະກິດເພື່ອສົ່ງເສີມການດຳເນີນທຸລະກິດ,ການຄ້າ,ອຸດສາຫະກຳ,ຫັດຖະກຳ,ກະສິກຳ,ການເງິນ ແລະ ການບໍລິການ ລວມທັງປົກປ້ອງສິດຜົນປະໂຫຍດອັນຊອບທຳຂອງວິສາຫະກິດທີ່ເຄື່ອນໄຫວທຸລະກິດຖືກຕ້ອງຕາມລະບຽບກົດໝາຍ.
ໜ້າທີ່ຂອງ ສຄອ.ສຂ ໃນການຈັດຕັ້ງປະຕິບັດວຽກງານສາຍພົວພັນແຮງງານຂັ້ນແຂວງ
- ຄົ້ນຄວ້າ ແລະ ສັງລວມຂໍ້ສະເໜີຈາກຜູ້ໃຊ້ແຮງງານ ແລະ ນໍາສະເໜີຕໍ່ກອງປະຊຸມຄະນະກຳມະການແຮງງານຂັ້ນແຂວງ ເພື່ອພິຈາລະນາ
- ເປັນເຈົ້າການໃນການເປັນຜູ້ຕາງໜ້າຜູ້ໃຊ້ແຮງງານໃນການແກ້ໄຂຂໍ້ຂັດແຍ່ງດ້ານແຮງງານ,ດ້ານຜົນປະໂຫຍດ ທີ່ຖືກນໍາເຂົ້າພິຈາລະນາຢູ່ກອງປະຊຸມຄະນະກຳມະການຂັ້ນແຂວງ
- ເປັນເຈົ້າການຊຸກຍູ້ບັນດາຫົວໜ່ວຍທຸລະກິດ, ຫົວໜ່ວຍແຮງງານປະກອບສ່ວນໃນການເຂົ້າປະກັນສັງຄົມ, ການພັດທະນາສີມືແຮງງານໃຫ້ຫຼາຍຂື້ນ.
- ການສະໜອງຂໍ້ມູນຕຳແໜ່ງງານຫວ່າງທີ່ຕ້ອງການຂອງບັນດາສະມາຄົມ, ຫົວໜ່ວຍແຮງງານທີ່ເປັນສະມາຊິກຂອງຕົນ ແລະ ການສ້າງວຽກເຮັດງານທຳໃຫ້ຫຼາຍຂື້ນ.
- ຊຸກຍູ້,ຕິດຕາມການເບີກຈ່າຍຄ່າແຮງງານຂັ້ນຕໍ່າສຸດຂອງຫົວໜ່ວຍແຮງງານຢູ່ພາຍໃນແຂວງຂອງຕົນໃນໄລຍະປະຕິບັດພາລະບົດບາດຕາມຂໍ້ກຳນົດ ກ່ຽວກັບການຈັດຕັ້ງ ແລະ ການເຄື່ອນໄຫວຂອງສະພາການຄ້າ ແລະ ອຸດສາຫະກຳແຂວງ.
- ຄົ້ນຄວ້າ ແລະ ປຶກສາຫາລື ກ່ຽວກັບການຈັດຕັ້ງປະຕິບັດການຈ່າຍຄ່າແຮງງານຂັ້ນຕໍ່າສຸດຂອງຫົວໜ່ວຍແຮງງານ ການແກ້ໄຂບັນກາແຮງງານຕ່າງປະເທດ ທີ່ຢູ່ໃນຄວາມຮັບຜິດຊອບຂອງຕົນ
- ຄົ້ນຄວ້າ ແລະ ປຶກສາຫາລື ກ່ຽວກັບການປະຕິບັດ ວຽກງານການພັດທະນາສີມືແຮງງານ, ການຈັດຫາງານ ຄວາມປອດໄພ ແລະ ສຸຂະພາບແຮງງານ ແລະ ປະກັນສັງຄົມ
- ຕິດຕາມ ແລະ ປະເມີນຜົນ ມາດຕະຖານແຮງງານແຫ່ງຊາດ ແລະ ວຽກງານອື່ນໆ ກ່ຽວກັບສາຍພົວພັນແຮງງານ
- ໂຄສະນາ, ເຜີຍແຜ່ ແລະ ປູກຈິດສຳນຶກໃຫ້ຜູ້ອອກແຮງງານ, ຜູ້ໃຊ້ແຮງງານ, ຂະແໜງການທີ່ກ່ຽວຂ້ອງ ແລະ ສັງຄົມໃຫ້ຮັບຮູ້ ແລະ ເຂົ້າໃຈກ່ຽກັບພາລະບົດບາດຂອງຄະນະກຳມະການແຮງງານແຂວງ
- ຕິດຕາມຊຸກຍູ້ການຈັດຕັ້ງປະຕິບັດກົດໝາຍ ແລະ ລະບຽບການຕ່າງໆກ່ຽວກັບແຮງງານຂອງຫົວໜ່ວຍແຮງງານ
- ຕິດຕາມ, ຊຸກຍູ້ ແລະ ແນະນໍາການຈັດຕັ້ງປະຕິບັດໜ້າທີ່ ແລະ ສິດຂອງຄະນະກຳມະການແຮງງານຂັ້ນແຂວງ
- ຄົ້ນຄວ້າ ແລະ ຊອກຫາແຫຼ່ງທຶນ ນອກຈາກງົບປະມານຂອງລັດຖະບານ ເພື່ອຈັດຕັ້ງປະຕິບັດໜ້າທີ່ຂອງຕົນ
- ພົວພັນຮ່ວມມືກັບພາກສ່ວນກ່ຽວຂ້ອງພາຍໃນແຂວງ ກ່ຽວກັບວຽກງານສາຍພົວພັນແຮງງານ
- ສະຫຼຸບ ແລະ ລາຍງານການຈັດຕັ້ງປະຕິບັດວຽກງານ ຂອງຄະນະກຳມະການແຮງງານແຂວງ ໃນແຕ່ລະໄລຍະຕໍ່ຂັ້ນເທິງ
- ເປັນໜ່ວຍງານ ໃນການປະສານງານ ແລະ ປະຊາສຳພັນ ໃນການຈັດຫາແຮງງານ (JOB CENTER )
- ເປັນໜ່ວຍງານ ໃນຈັດຕັ້ງ ຕະຫຼາດນັດແຮງງານ ( JOB FAIR )
ກິດຈະກຳທີ່ ສຄອ.ສຂ ໄດ້ຈັດຕັ້ງປະຕິບັດ ແລະ ສົ່ງເສີມຜູ້ໃຊ້ແຮງງານ
- ຈັດງານຕະຫລາດນັດແຮງງານ
- ໄກ່ເກ່ຍຂໍ້ຄັດແຍ່ງດ້ານແຮງງານທີ່ເກີດຂື້ນຢູ່ຫົວໜ່ວຍແຮງງານພາຍໃນແຂວງ
- ລົງຊຸກຍູ້ ສົ່ງເສີມກຸ່ມການປະລິດຂັ້ນເມືອງ ແລະ ບ້ານ
- ລົງເຜີນແຜ່ພາລະບົດບາດ,ສິດ ແລະ ໜ້າທີ່ຂອງ ສຄອ.ສຂ ໃຫ້ກັບກຸ່ມການຜະລິດ
