ປະໂຫຍດຂອງການເຂົ້າເປັນສະມາຊິກ ສຄອ.ສຂ
ປະໂຫຍດການເປັນສະມາຊິກ
- ຂໍ້ມູນຂ່າວສານ: ສະມາຊິກ ສຄອ.າຂ ຈະໄດ້ຮັບຂໍ້ມູນຂ່າວສານກ່ຽວກັບປະເດັນຕ່າງໆທີ່ພົວພັນກັບ ທຸລະກິດ, ເສດຖະກິດ, ການລົງທຶນພາຍໃນ ແລະ ຕ່າງປະເທດ.
- ການພົບປະທາງທຸລະກິດ: ໄດ້ຮັບໂອກາດພົບປະບັນດາທຸລະກິດຫຼາຍຂະແໜງການ ທັງພາຍໃນ ແລະ ຕ່າງປະເທດ ທີ່ໃຫ້ຄວາມສົນໃຈໃນການລົງທຶນ ປລພ ການຮ່ວມເປັນຄູ່ຄ້າທາງທຸລະກິດໃນ ສປປ ລາວ.
- ການເຂົ້າຮ່ວມສຳມະນາ ແລະ ການຝຶກອົບຮົມ: ສະພາການຄ້າ ແລະອຸດສາຫະກຳແຂວງ ຈັດສຳມະນາ ແລະ ເຝິກອົບຮົມໃນຫຼາກຫຼາຍຫົວຂໍ້ທີ່ພົວພັນກັບທຸລະກິດ, ການຄ້າ, ແຮງງານ ແລະ ການລົງທຶນ, ວິຍາກອນແມ່ນຊ່ຽວຊານທີ່ມີຄວາມສຳນານຈາກທັງພາຍໃນ ແລະ ຕ່າງປະເທດ.
- ການເຂົ້າຮ່ວມກອງປະຊຸມພົບປະ: ລະຫວ່າງພາກລັດ ແລະ ພາກທຸລະກິດຂັ້ນແຂວງ, ຂັ້ນສູນກາງ ແລະ ລະດັບປະເທດ
- ການເຂົ້າຮ່ວມວຽກງານວາງສະແດງສິນຄ້າ, ຕະຫຼາດນັດ ແລະ ທັດສະນະສຶກສາ: ມີໂອກາດເຂົ້າຮ່ວມງານຕະຫຼາດນັດ ແລະ ການທັດສະນະສຶກສາທັງພາຍໃນ ແລະ ຕ່າງປະເທດ ເພື່ອຊອກໂອກາດທາງການຕະຫຼາດ,ການຊອກຫາຄູ່ຄ້າໃນຕ່າງແດນ ເພື່ອກ້າວເຂົ້າສູ່ການຂະຫຍາຍທຸລະກິດໃນຕໍ່ໜ້າ
- ການເຂົ້າຮ່ວມກອງປະຊຸມໃຫຍ່ ແລະ ການເລືອກຕັ້ງ: ສະມາຊິກ ສຄອ.ສຂ ມີສິດເຂົ້າຮ່ວມກອງປະຊຸມໃຫຍ່ ແລະ ສາມາດເລືອກຕັ້ງ ຫຼື ຮັບສະໝັກຮັບເລືອກຕັ້ງເຂົ້າເປັນຄະນະບໍລິຫານງານ, ຄະນະປະປະຈຳ ແລະ ລົງຄະແນນສຽງຕົກລົງບັນຫາສຳຄັນຂອງ ສຄອ.ສຂ
- ຮັບຄຳປຶກສາທາງດ້ານທຸລະກິດ: ສຄອ.ສຂ ຈະຊ່ວຍໃຫ້ຄຳປຶກສາຫາລື ແກ່ສະມາຊິກຕໍ່ກັບບັນຫາຕ່າງໆທີ່ກ່ຽວກັບທຸລະກິດ ເພື່ອຊ່ວຍໄກ່ເກ່ຍ ຂໍ້ຂັດແຍ່ງທາງດ້ານທຸລະກິດ
ອັດຕາຄ່າທຳນຽມໃນການເຂົ້າສະມາຊິກ ສຄອ.ສຂ
ໃນການເຂົ້າເປັນສະມາຊິກຂອງ ສຄອ.ສຂ ຈະຕ້ອງໄດ້ຈ່າຍຄ່າບຳລຸງຮັກ ປະຈຳປີ ໃນທຸກໆປີ ເພື່ອສ້າງຄວາມເຂັ້ມແຂງໃຫ້ແກ່ພາກທຸລະກິດ ກໍ່ ຄືອົງກອນຂອງຕົນ ແລະ ເພື່ອໃຫ້ອົງກອນຂອງຕົນສາມາດດຳເນີນວຽກງານໄດ້ຢ່າງປົກກະຕິ ແລະ ຄ່ອງໂຕ
- ຄ່າລົງທະບຽນເຂົ້າເປັນສະມາຊິກຂອງ ສຄອ.ສຂ (ສຳລັບສະໝັກຄັ້ງທຳອິດ) ແມ່ນ 200,000 ກີບ (ສອງແສນກີບ) ຕໍ່ຄັ້ງຕໍ່ຫົວໜ່ວຍທຸລະກິດ
- ຄ່າທບຳລຸງສະມາຊິກຕໍ່ປີ ຕໍ່ໜື່ງທະບຽນສະມາຊິກ ຈະກຳນົດດັ່ງນີ້:
– ທຶນຈົດທະບຽນແຕ່ 50,000,000 ກີບ ເຖິງ 200,000,000 ກີບ ແມ່ນຈະໄດ້ຊຳລະຄ່າບຳລຸງ 300,000 ກີບ (ສາມແສນກີບຖ້ວນ) ຕໍ່ປີ
– ທຶນຈົດທະບຽນແຕ່ 200,000,000 ກີບ ເຖິງ 400,000,000 ກີບ ແມ່ນຈະໄດ້ຊຳລະຄ່າບຳລຸງ 500,000 ກີບ (ຫ້າແສນກີບຖ້ວນ) ຕໍ່ປີ
– ທຶນຈົດທະບຽນແຕ່ 400,000,000 ກີບ ເຖິງ 1,000,000,000 ກີບ ແມ່ນຈະໄດ້ຊຳລະຄ່າບຳລຸງ 800,000 ກີບ (ແປດແສນກີບຖ້ວນ) ຕໍ່ປີ
– ທຶນຈົດທະບຽນແຕ່ 1,000,000,001 ກີບ ຂື້ນໄປແມ່ນຈະໄດ້ຊຳລະບຳລຸງ 1,000,000 ກີບ (ໜື່ງລ້ານກີບ) ຕໍ່ປີ
– ໃນກໍລະນີຜູ້ສະໝັກໃຈຫາກມີທຶນຈົດທະບຽນຕ່ຳກວ່າ 50,000,000 ກີບ ລົງມາ ຫຼື ຍັງບໍ່ມີໃບທະບຽນ ຈະໄດ້ຈ່າຍຄ່າບຳລຸງສະມາຊິກ 300,000 ກີບ ຕໍ່ປີ ແລະ ບົກເວັ້ນຄ່າລົງທະບຽນສະມາຊິກໃໝ່
ສະພາການຄ້າ ແລະ ອຸດສາຫະກຳ ແຂວງສະຫວັນນະເຂດ ຍາມໃດກໍ່ເປັນຫວ່ງເປັນໃຍຕໍ່ການດຳເນີນທຸລະກິດຂອງບັນດາທ່ານ ຈື່ງທຸ້ມເທທຸກເຫື່ອແຮງໃນໃຫ້ແກ່ວຽກງານນີ້ ຂໍເຊີນຊວນບັນດາທ່ານຈົ່ງສະໝັກໃຈເຂົ້າຮ່ວມກິດຈະກຳນຳ ສຕອ.ສຂ ໃນການສ້າງເສດຖະກິດຂອງທ່ານ, ຂອງສັງຄົມ, ຂອງແຂວງກໍ່ຄືຂອງປະເທດຊາດໂດຍສ່ວນລວມໃຫ້ເຂັ້ມແຂງ ແລະ ພ້ອມກັນກ້າວໄປຂ້າງໜ້າ.