ທ່ານ ບຸນໂຈມ ອຸບົນປະເສີດ ຮັກສາການເຈົ້າແຂວງສະຫວັນນະເຂດ ຄົນໃໝ່
ໃນຕອນເຊົ້າວັນທີ 6 ກຸມພາ 2023 ທີ່ຫ້ອງວ່າການປົກຄອງ ແຂວງສະຫວັນນະເຂດ ໄດ້ຈັດພິທີ ມອບ-ຮັບໜ້າທີ່ເລຂາຄະນະບໍລິ ຫານງານພັກແຂວງ-ຮັກສາການ ເຈົ້າແຂວງສະຫວັນນະເຂດລະ ຫວ່າງ ທ່ານ ສັນຕິພາບ ພົມວິຫານ ກຳມະການສູນກາງພັກອະດີດ ເລຂາຄະນະບໍລິຫານງານພັກ ແຂວງ ເຈົ້າແຂວງສະຫວັນນະ ເຂດ (ຜູ້ເກົ່າ) ແລະທ່ານ ບຸນໂຈມ ອຸບົນປະເສີດ ກຳມະການສູນກາງ ພັກ ເລຂາຄະນະບໍລິຫານງານພັກ ແຂວງ ຮັກສາການເຈົ້າແຂວງສະ ຫວັນນະເຂດ (ຜູ້ໃໝ່) ໂດຍການ ເປັນກຽດເຂົ້າຮ່ວມໃນພິທີຄັ້ງນີ້ ຂອງ ພະນະທ່ານ ປອ ບຸນທອງ ຈິດມະນີ ກຳມະການກົມການ ເມືອງສູນກາງພັກຮອງປະທານ ປະເທດ ແຫ່ງ ສປປ ລາວ, ມີ ການນຳຂັ້ນສູນກາງ-ທ້ອງຖິ່ນ, ແຂກທີ່ຖືກເຊີນ ພ້ອມດ້ວຍການຈັດ ຕັ້ງທີ່ກ່ຽວຂ້ອງເຂົ້່າຮ່ວມຢ່າງ ພ້ອມພຽງ
ໃນພິທີ, ນາງ ບຸດສະດີ ທະນະເມືອງ ກຳມະການສູນກາງ ພັກ ຮອງຫົວໜ້າຄະນະຈັດຕັ້ງສູນ ກາງພັກ ໄດ້ຂຶ້ນຜ່ານຄຳສັ່ງຂອງ ກົມການເມືອງສູນກາງພັກວ່າ ດ້ວຍການຍົກຍ້າຍການນຳຂັ້ນສູງ ຮັບໜ້າທີ່ໃໝ່, ຜ່ານມະຕິຕົກລົງ ຂອງຄະນະເລຂາທິການສູນກາງ ພັກວ່າດ້ວຍການແຕ່ງຕັ້ງຄະນະ ພັກແຂວງ ແລະຄະນະປະຈຳພັກ ແຂວງສະຫວັນນະເຂດ, ຜ່ານ ມະຕິຕົກລົງຂອງກົມການເມືອງ ສູນກາງພັກວ່າດ້ວຍການແຕ່ງຕັ້ງ ທ່ານ ບຸນໂຈມ ອຸບົນປະເສີດ ກຳ ມະການສູນກາງພັກ ເປັນເລຂາ ຄະນະບໍລິຫານງານພັກແຂວງ ຮັກ ສາການເຈົ້າແຂວງສະຫວັນນະ ເຂດ ແລະຍົກຍ້າຍທ່ານ ສັນ ຕິພາບ ພົມວິຫານ ກຳມະການ ສູນກາງພັກ ອະດີດເລຂາຄະນະ ບໍລິຫານງານພັກແຂວງ-ເຈົ້າ ແຂວງສະຫວັນນະເຂດ (ຜູ້ເກົ່າ) ໄປຮັບໜ້າທີ່ໃໝ່ຢູ່ກະຊວງການ ເງິນ (ເປັນລັດຖະມົນຕີກະຊວງ ການເງິນ)
ວາລະຕໍ່ມາ, ທ່ານ ສັນ ຕິພາບ ພົມວິຫານ ກໍ່ໄດ້ຂຶ້ນຜ່ານ ບົດສະຫຼຸບຕີລາຄາການຊີ້ນຳ-ນຳພາວຽກງານຮອບດ້ານຂອງ ແຂວງສະຫວັນນະເຂດໃນໄລ ຍະຜ່ານມາ ຈາກນັ້ນ, ກໍ່ໄດ້ມີການ ລົງນາມໃນບົດບັນທຶກມອບ-ຮັບ ໜ້າທີ່ຢ່າງເປັນທາງການລະ ຫວ່າງ ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ຜູ້ເກົ່າ ແລະທ່ານ ບຸນໂຈມ ອຸບົນປະເສີດ ຮັກສາການເຈົ້າແຂວງສະຫວັນ ນະເຂດຜູ້ໃໝ່ ໂດຍຊ້ອງໜ້າ ແລະ ເປັນສັກຂີພະຍານຂອງພະນະ ທ່ານ ປອ ບຸນທອງ ຈິດມະນີ ຮອງ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະນຳຂັ້ນຕ່າງໆທີ່ ເຂົ້າຮ່ວມໃນພິທີຄັ້ງນີ້
ໂອກາດນີ້, ທ່ານ ປອ ບຸນທອງ ຈິດມະນີ ກໍ່ໄດ້ໃຫ້ກຽດ ກ່າວມີຄຳເຫັນໂອ້ລົມຕໍ່ພິທີ ເຊິ່ງ ມີບາງຕອນສຳຄັນວ່າ: ດ້ວຍ ຄວາມຮຽກຮ້ອງຕ້ອງການຂອງ ໜ້າທີ່ວຽກງານ ແລະເພື່ອເປັນ ການສັບປ່ຽນໜ້າທີ່, ຄວາມຮັບຜິດ ຊອບຂອງພະນັກງານການນຳ ຂັ້ນສູງ, ກົມການເມືອງສູນກາງ ພັກໄດ້ຕົກລົງຍົກຍ້າຍສະຫາຍ ສັນຕິພາບ ພົມວິຫານ ໄປຮັບໜ້າ ທີ່ໃໝ່ຢູ່ກະຊວງການເງິນ ແລະ ຕົກລົງຍົກຍ້າຍ, ແຕ່ງຕັ້ງສະຫາຍ ບຸນໂຈມ ອຸບົນປະເສີດ ມາເປັນເລ ຂາພັກແຂວງ ເຈົ້າແຂວງສະຫວັນ ນະເຂດ; ທັງສອງສະຫາຍ ລ້ວນ ເປັນພະນັກງານນຳພາ-ຄຸ້ມຄອງ ທີ່ໄດ້ຜ່ານການທົດສອບໃນຂະ ບວນວຽກງານຕົວຈິງທັງຢູ່ທ້ອງ ຖິ່ນ ແລະຢູ່ສູນກາງ, ມີປະສົບການ ແລະມີຄວາມຮູ້ຄວາມສາມາດ ໃນການນຳພາຄຸ້ມຄອງ; ສະຫາຍ ສັນຕິພາບ ພົມວິຫານ ກໍ່ເຄີຍເປັນ ພະນັກງານການນຳຢູ່ກະຊວງ ການເງິນມາກ່ອນ, ສະຫາຍ ບຸນ ໂຈມ ອຸບົນປະເສີດ ກໍ່ເຄີຍເປັນພະ ນັກງານການນຳຄຸ້ມຄອງຢູ່ທ້ອງ ຖິ່ນມາຫຼາຍປີ, ມີຄວາມຮັບຮູ້ເຂົ້າ ໃຈກ່ຽວກັບວຽກງານເສດຖະ ກິດເປັນຕົ້ນແມ່ນໃນຂົງເຂດເສດ ຖະກິດ-ການເງິນ, ຜ່ານມາ ເມື່ອ ໄດ້ຮັບໜ້າທີ່ວຽກງານຢູ່ບ່ອນໃດ ກໍ່ມີຄວາມບຸກບືນ ພ້ອມກັບໝູ່ຄະ ນະນຳພາຈັດຕັ້ງປະຕິບັດດ້ວຍ ຄວາມຮັບຜິດຊອບສູງ ແລະມີຜົນ ສຳເລັດ, ແຕ່ມາເປັນເລຂາພັກ ແຂວງ-ເຈົ້າແຂວງ ຈະໄດ້ນຳພາຊີ້ ນຳວຽກງານຮອບດ້ານ, ຂ້າພະ ເຈົ້າ ເຊື່ອໝັ້ນວ່າ: ດ້ວຍຄວາມຮູ້ ຄວາມສາມາດ ແລະປະສົບການ ທີ່ມີ, ສະຫາຍ ຈະພ້ອມກັບໝູ່ຄະນະ ສືບຕໍ່ນຳພາປະຕິບັດວຽກງານ ຮອບດ້ານຢູ່ແຂວງສະຫວັນນະ ເຂດ, ຍູ້ແຮງຂະບວນການດ້ານ ຕ່າງໆ ທີ່ສະຫາຍ ສັນຕິພາບ ພົມວິຫານ ພ້ອມໝູ່ຄະນະນໍາພາ ມາແລ້ວນັ້ນ ໃຫ້ສືບຕໍ່ຂະຫຍາຍ ຕົວກ້າວຂຶ້ນຢ່າງບໍ່ຢຸດຢັ້ງ, ເຮັດ ໃຫ້ແຂວງສະຫວັນນະເຂດ ສືບຕໍ່ ເປັນແຂວງໜຶ່ງທີ່ມີການພັດທະ ນາເຂັ້ມແຂງ, ທົ່ວເຖິງ ທັງຢູ່ຕົວ ເມືອງ, ຊົນນະບົດ, ເຂດທົ່ງພຽງ ແລະພູດອຍຊົນເຜົ່າໃຫ້ໄດ້ຮັບ ການພັດທະນາໄປພ້ອມໆກັນ
